蘋果日報 – 太太誕七磅重B女 Dash:暫時睇唔到似邊個

蘋果日報 – 太太誕七磅重B女 Dash:暫時睇唔到似邊個

男子組合Mr.今日在九龍塘出席遊戲活動,早前為活動創作咗首新歌嘅佢哋,今日即場欣賞及落場玩Game。

成員Dash(譚健文)剛榮升爸爸,佢話以前就玩賽車Game多,未來就要推BB車,Dash話:「囡囡Molly呢幾日出世,自己心情好奇怪,成個過程本身好平伏,加上細佬又有兩個小朋友,隊友當中亦都有成員生咗小朋友… 自己唔想俾太大壓力自己,最緊要太太心情放鬆,近日都係幫太太做下按摩,做得幾多就做幾多。」

Dash透露囡囡同太太現時仍在醫院,BB女七磅重,未有機會親自湊BB嘅佢話:「原本太太都想順產,但緣份未到要開刀,暫時睇唔到囡囡似邊個,因為啱啱出世。」以為人父嘅主音Alan就話:「能夠做嘅就係唔好搵Dash住,唔好問問題,因為啱啱生完BB都會好空洞,唔好騷擾佢就最好。」 另一父親Tom就話:「Dash平時都好照顧人,嚟緊佢大把時間發揮所長照顧BB。」其餘兩位成員都未有生小朋友,MJ就兩脅插刀話唔介意幫Dash BB女換片。